Brazil SC-in Lula chhuah dilna hnawl

Brazil Supreme Court chuan Thawhlehni khan President hlui jail-a tang mek, Luiz Inacio Lula da Silva chhuah dilna chu a hnawlsak.

Luiz Inacio Lula da Silva lawyer hian thiam loh chantir tu, Judge Sergio Moro kha âwn lam nei leh politics thila thutlukna siamah puhin Lula chhuah hi a dilsak a, he mi kaihnawiha mimal message an inthawnte pawh a put ru tih a sawi. Mahse SC chuan a dilna hi a hnawlsak tho a ni. 

Hetihlai hian Lula leh a lamṭangte chuan president hlui hi chhuah a nih theihna turin an beih chhunzawm zel dawn tih an sawi thung. Kum 73 mi, Lula hi thubuai pahnihah thiam loh chantir a ni a, kum 2003 leh 2010 inkarah khan Brazil hi a kaihruai a ni.

SC chuan president hlui chhuah dilna hi August thlaa a thubuai an ngaihtuah leh hma chuan hnawlsak a nih rih thu a sawi.