Zimbabwe-in ram dang pawisa hman a khap

Zimbabwe finance minister Mthuli Ncube chuan tualchhunga indawr­na atana US dollar leh ram­dang pawisa hman khap a ni tawh dawn tih a sawi. 

Kum 2009-a thil man sang chak vanga Zimbabwe dollar hlutna nasa taka a tlakhniam avang khan sorkar chuan US dollar leh ramdang pawisate chu ramchhunga indawrna atana hman a phalsak a ni. Mahse kumin kum­tir lam aṭang khan ram­dang pawisa hman phal­na tihtawpna tur hian hmalak ṭan a ni a, pawisa atana an hman lai­lawk tur Zimbabwe dollar thar, Real Time Gross Settlement dollar (RTGS), 'zollar' tia sawi chu an siam a ni. 

Zimbabwe sorkar chuan interim currency atana a siam, zollar hi Zimbabwe dollar nena intlukna tur thupek siam­in, ramchhunga indawrna atana hmang tawh turin a ti ta a ni. Sorkar thupek tih­chhuah chuan, British pound, US dollar, South African rand, Botswanan pula leh ramdang pawisa dangte chu Zimbabwe ramchhunga indawrna atan danin a pawm tawh dawn lo tih a sawi.