Afghanistan President Ashraf Ghani-a'n Pak. a tlawh, PM leh President hmu dawn

Afghanistan President Mohammad Ashraf Ghani chu ni hnih cham turin nimin khan Pakistan-ah a zin. 

President Ghani hi high-level official-ten an zui a, an zingah hian minister, adviser leh sum­dawng aiawhte an tel a ni. Pakistan-a a cham chhungin Ghani hian Pa­kistan Prime Minister Imran Khan leh President Arif Alvi-te a hmu ang. Sr political leader-te pawh hmuh a tum bawk a ni. 

Pakistan Ministry of Foreign Affairs chuan ram pahnih hruaitute inkawmnaah thawhdun-na tihchak dante an sawi dun dawn a, political, trade, economic, secuirty, peace and reconcialiation, education chungchangte leh ram pahnih mipuite intlawh tawn theih dan turte an sawidun dawn a ni, a ti. 

Afghan president hian Punjab province khawpui, Lahore pawh a tlawh dawn a, sumdawng aiawhte inhmuhkhawmnaah a tel dawn a ni.