Tunisia Parliament-in PM Fakhfakh kaihhruai sorkar a pawm

Tunisia Parliament chuan nimin khan prime minister atana ruat, Elyes Fakhfakh kaihhruai ṭangrual sorkar thar chu an pawm ta. 

Parliament-a vote lakah sorkar thar thlawptu lamah vote 129 a tla a, a thlawp lo lamah vote 77 a tla thung. Tunisia hian hun rei tak politics buaina tawk tawhin, an ram economy thlengin a nghawng tawh a ni. 

Tunisia ram danpui hnuaiah, Parlia­ment-a seat ngah ber party chu sorkar siam tura tih a ni. Mahse nikum October thlaa inthlana seat la hnem, Habib Jemli kaihhruai Ennadha party chuan chuan seat 217 awmah seat 52 chauh a lak avangin party mala sorkarna siam thei an awm lo. Jemli-a'n a kaihhruai ṭangrual sorkar siam a tumna chu Parliament hian a hnawlsak a ni. Hemi hnu hian president Kais Saied chuan prime miniser atan tourism leh finance minister hlui, Fakhfakh a hi a ruat a ni.