Suu Kyi-i'n Cambodia a tlawh

Myanmar State Counselor Aung San Suu Kyi chu ni thum cham turin Cambodia-ah a zin a, ram pahnihte thawhdunna tur leh inzawmna nghet zawk siam dan tur a sawipui dawn. 

Suu Kyi-i hi kum 2016-a state counselor atana dah a nih hnua Cambodia rama a zinna hmasa ber a ni. Cambodia Prime Minister Samdech Techo Hun Sen nen nimin khan Peace Palace-ah an inkawm a, tlai lamah royal palace-ah King Norodom Sihamoni a hmu leh bawk. 

A cham chhung hian Suu Kyi-i hian Cambodia hmar thlang lam, Reap province-a world heri­tage site, Angkor Archeolo­gical Park a tlawh bawk ang. Myanmar ram hruaitu hian Cambodia khawpui, Phnom Penh aṭangin Belt and Road Forum hmang turin Beijing a pan leh nghal dawn a ni.