UN-in Mozambique ṭanpuina pe dawn

United Nations chuan thlipui, Cyclone Kenneth tuartu Mozambique leh Comoros Islands ṭanpuina atan US dollar maktaduai 13 a pe dawn. Ṭanpuina sum a pek tur hi chaw leh tui thianghlim leina atan leh, infrastructure chhiate din thar lehna atana hman tur a ni.

Cyclone Kenneth hian kar kalta Ningani khan Mozambique hi a nuai a, hemi hma lawk hian Cyclone Idai tleh chuan chhiatna nasa tak a lo thlen tawh  bawk a ni. Mozambique bakah Zimbabaw leh Malawi te chu Cyclone Idai hian a nuai bawk a, chhiatna thlenga thi hi mi 1,000 an chuang a ni. 

Mozambique rama Cabo Delgado province chuan thlipui tleh hi an tuar nasa ber a, darkar khata km 280-a chakin thli a tleh a, thingtlang khaw eng emaw zat chu a nuai chhia a ni. World Bank chuan Mo­zambique leh ram danga thlipui tlehin thil a tih-chhiat din thar lehna atan hian US tlukleh­dingawn 2 chuang mamawh a ni dawn tih an tarlang.