Israel-in I-Day a performer-te sum pek zat tihniam dawn

Israel Interior Minister Aryeh Deri chuan an ram Independence Day urlawkna neiha entertainer inlan ṭhinte sum pek zat tur tihniam turin thupek a tichhuak. Hei hi mipui lam aṭanga sorkar sum dik lo taka hman a tam nia sawia phunna a awm vang a ni. 

Israel Independence Day urlawk ni, May 8 hian Jerusalem-ah zaithiam leh lamthiamte nen hun hman ṭhin a ni. Heng huna inlante hi municipality lamin sum an pe ṭhin a, hei hi mipui lamah sawiselna a tam thei hle. Kumina entertainer-te sum pek zat tur hi Israel media chuan a tichhuak a, a dawng hnem ber tur chuan vawi khat an perform-ah shekel 2,92,000 (US dollar 81,000) an dawng ang.

Sum pek zat tur hi mi tam takin an sawisel a, zaithiam leh lamthiamte hnena sum tam tak pek ai chuan education, welfare leh local service dang tana sum pe zawk turin an ti. Hemi hnu hian minister Deri chuan thupek hi tichhuakin, kum 2020 aṭang chuan entertainer-te sum pek hi shekel 70,000 chinah bithliah a ni tawh dawn tih a sawi a ni. Israel hian kum 1948, May 14 khan independence a puang a, mahse kumtinin Independence Day hi Hebrew calendar zul zuiin an lawm ṭhin.