China-a university 45-ah chauh English-a zirtir phalsak

China sorkar chuan an rama university 45 chauh chu MBBS degree English-a zirtir a phalsak bakah, heng university-te chauh hi ram pawn lam zirlai admit phalsak an ni bawk. 

Chinese ministry of eduction (MoE) chuan university pakhata MBBS course ṭawng chi hnih, English leh Chinese-a zirtirna pek kawp chu khap tlat a nih thu a sawi. MoE thuchhuah chuan university 45 tih lohah chuan clinical medicine-a English-a zirtirna pek ngai, undergraduate zirlate lak theih a ni dawn lo tih a sawi. English-a zirtirna pekna tur university 45-te list hi an website-ah an tarlang a ni. 

China ramah hian medicine zir turin ramdang aṭangin zirlai an kal hnem thei hle a, an zingah hian India aṭanga kal tam berin kum 2018 khan Indian zirlai hi 21,000 zet an awm a ni.