Thailand lal-in a bodyguard nupuiah nei

Thailand lal, King Maha Vajira­longkorn chuan a personal security deputy head, General Suthida Vajiralongkorn Na Ayudhya chu nupuiah a nei.

King Maha Vajiralongkorn hi kum 66 mi ni tawhin, 2016-a a pa a boral hnu khan lal ṭhutthleng hi a luah zui a ni. A bodyguard Suthida hi tunah chuan Queen Suthida tia sawi a ni tawh dawn a, ram lalnu nihna dinhmun a luah tawh dawn a ni.

Nilaini khan Thai TV channel-ah an inneih ceremony hi tihchhuah a ni a, King Maha hian Queen Suthida lu chungah hian sacred water a leih lai leh inneih thutiam an ziak laite hmuh tur a awm a ni. Suthida Tidjai hi Thai Airways-a flight attendant ṭhin a ni a, 2014 khan lal bodyguard unit-a deputy comman­der atan ruat a ni. December 2016 khan general puitlingah puan a ni.

Lal hmasa Bhumibol Adulyadej khan kum 70 zet lal nihna dinhmuh a luah a, khawvela lal nihna dinhmun luah rei thei ber niin 2016 khan a boral a ni.