Japan PM-in Kim Jong-Un meeting neihpui duh

Japan Prime Minister Shinzo Abe chuan North Korea ram hruaitu lu Kim Jong Un chu meeting neihpuiah sawmin, inhawng taka inbiakna neihpui a duh tih a sawi.

Shinzo Abe chuan Japan leh N. Korea chuan inkungkaihna ṭha tak an neih ṭhin chu tih thar leh a duh tih sawiin, Kim nena hmaichhana inbiakna an neih hma chuan Japan leh N.Korea inkara inrin tawn lohna awm chu siam-

ṭhat theih a ni dawn lo tih a sawi bawk. Abe chuan Kim chu a ram tana ṭha tur a nih chuan thutlukna huamzau tak leh fing tak siam thei a nih a beisei tih a sawi a ni. 

Hetihlai hian N. Korea thuneitute chuan Abe thusawi hi an la chhang lo thung. N. Korea official KCNA news agency chuan kumin kumtir lam khan a ṭhenawm ram hi na takin a lo sawichhe tawh a, ram pahnih inkar boruak hi a 

ṭha lo hle reng a ni. 

Japan hian N. Korea in missile test a neih chu na takin a sawisel fo tawh bawk. Kim hian ram hruaitu lu hrang hrang meeting a neihpui tawh a, US President Donald Trump chu meeting vawi hnih a neihpui tawh bakah, Russian President Vladimir Putin pawh kar hmasa lawk khan meeting a lo neihpui tawh bawk. 

Chinese President Xi Jinping leh South Korean President Moon Jae-in-te pawh meeting a neihpui tawh zingah hian an tel.