Britain-in Myanmar chhuahsan turin chah

Britain sorkar chuan nimin khan thuchhuah siamin, Myanmar tualchhung buaina a zual chhoh zel avangin British mite chu Myanmar ram chhuahsan turin a chah. 

Foreign ministry chuan an travel advice website-ah thu­chhuah hi siamin, ṭhil ṭul leh pawimawh tak avanga awm ngai an nih loh chuan, British mite chu a theih anga Myanmar ram chu chhuahsan thuai turin a ti a, sipaiten thuneihna an chan hnuah politics inbena leh tualchhung buaina chuan zual lam a pan zel a, tharum thawhna thleng pawh a hluar chho zel a ni, tiin a sawi.