Israel PM-in UAE zin tum ṭhulh
Israel prime minister Benjamin Netanyahu chuan Ningania United Arab Emirates (UAE) tlawh a tum chu Jordan ram nen inhriatthiam lohna an neih avangin a ṭhulh.
Prime Minister Office (PMO) chuan Jordan hian a airspace-a thlawh phalna a pek duh loh avangin PM hi a zin thei ta lo niin a sawi. Jordan ramin phalna a pek duh lohna chhan hi Nilainia Jordan crown prince Hussein bin Abdullah-a'n East Jerusalem-a Al-Aqsa Mosque tlawh a tum Israel sorkarin a phalsak loh vang nia ngaih a ni. Security thil avangin Bin Abdullah kal tum hi an remtih sak lo niin PMO thuchhuah chuan a tarlang.
Netanyahu hian UAE-a zin a tum hi ṭum li a ṭhulh tawh a ni. Israel, Greece leh
Cyprus-in naval drill nei
Israel chuan Greece leh Cyprus nen joint naval exercise, 'Noble Dina' an nei tih a sawi.
Israel naval operation hotu, Rear Admiral Eyal Harel chuan kar khat chhung chu Israel navy kaihhruaiin underwater warfare, search and rescue, convoy escort leh surface combat-ah joint exercise hi neih a nih thu a sawi a ni. Nikum November thla khan ram pathum defence minister-te hi inhmuin, an sipaite thawhhona zau leh nghet zawk neihte an lo rel tawh a ni.