Thlawhtheihna chesualah mi pali an thi

Kazakhstan state secu­rity agency enkawl thlawh­theihna, An-26 chu kar liam ta Inrinni khan a chesual a, crew member pali an thih bakah midang pahnihin hliam an tuar. 

Hemi chungchangah hian Emergencies Ministry chuan thlawh­theihna chesual a, dam chhuak inhliamte hi damdawiina enkawl nghal an nih thu a tarlang. An-26 hi Kazakhstan khawpui lian ber Almaty thlawhtheihna ṭum hmunah a tum dawnin a engine a chian loh vangin a chesual ta niin ministry chuan a tarlang bawk.

An-26 hi military transport aircraft a ni a, Nur-Sultan khua aṭangin Almaty-ah a ṭum dawnin a chesual zui ta a ni. He thlawhtheihna hi Soviet Union siam a niin, kar liam ta Inrinnia An-26 a chetsual hian mi paruk chiah an chuang a ni.