Israel-in Gaza a beihnaah mi pathum an thi

Israel sipaiten Gaza Strip-a beihpui an thlaknaah Palestinian mi pathum an thi. 

Kar kalta Inrinni khan Gaza Strip-a roreltu, Hamas leh Islamic Jihad movement-te chuan Gaza aṭang hian Israel chhim lam khua beiin, rocket 200 chuang zet an kap chhuak a, Israel mi pahnihin hliam an tuar. Hei hi Israel sipaite chuan chhang letin Gaza hi an bomb zui ve nghal a ni. 

Gaza health ministry chuan Israel sipaite beihpui thlaknaah hian nu naupai lai leh a fa kum khat mi bakah, kum 22 mi Emad Naseer-te an thi a, mi 13 in hliam an tuar niin a tarlang. Israel sipaite hian Hamas leh Islamic Jihad movement-te hmun 30 chuang zet an kahsak a ni.