Brunei lal in anpui kawpte thi tura hremna a sût

Brunei lal, Sultan Hassanal Bolkiah chuan an rama mahni anpui kawp leh uirete lunga denhlum tura hremna an siam chu ram hrang hrangin na taka an sawisel hnuah a sût leh. 

Brunei hian Sharia law hmangin, he dan hnuaiah hian mahni anpui kawp leh uirete bakah pawikhawihna lian tham khawihte chu lunga den­hlum theih an ni a, hei bakah hian rukrute chu an kut leh ke tansak theih an ni bawk. Sharia law hi thla hmasa aṭang khan an hmang ṭan a ni. 

Ram hrang hrang leh human rights group-te chuan Brunei ram inhremna dan hman hi na takin an sawisel a, United Nations pawhin human rights palzutna chiang tak a ni tih a sawi. Pathianni khan TV-a thu a sawiah, Sultan chuan an dan hman sawiselna nasa tak awm chu chhangin, Sharia law chungchangah chuan zawhna leh hriat dan dik tawk lo tam tak a awm a ni, a ti. "Common law leh Sharia law-te hian ramchhungah muanna leh boruak ṭha siam an tum ve ve a ni", a ti.