Turkey-in Istanbul mayor thlanna buatsaih ṭha dawn

Turkey sorkar chuan March 31-a Istanbul mayor thlanna neiha result chu hnawlin, inthlan a buatsaih ṭha leh dawn. 

Istanbul mayor thlanna neih zawh takah khan President Tayyip Erdogan-a party, AKP candidate chu a chak zo lo a , eptu pawl lian ber Republican People`s Party (CHP) candidate a hneh zo lo a ni. Sorkarin inthlan result ṭhiat a, inthlan buatsaih ṭhat leh a tum chu eptu lamin na takin an sawisel a, President chu mimal rorelna kalpui tumah an puh. 

Kum 2015 inthlanpuiah AK Party in party mala sorkarna an siam phak loh avangin inthlan hi buatsaih ṭhat a lo ni tawh bawk. Inthlan nawnna an nei hnuah AK Party hi sorkar siam thei turin an chak zui a ni. High Election Board chuan Istanbul mayor thlanna hi June 23-ah neih a nih tur thu a sawi bawk.