Kosovo-in Jerusalem-ah embassy hawng

Kosovo chuan Israel rama a embassy chu Jerusalem-ah a hawng tih sawiin, Europe ram zingah Jerusalem khawpuia embassy hawng hmasa ber a ni. 

Foreigin ministry chuan February 1-a Israel nena inzawmna tur an siam leh, nikum September thlaa White House-a Kosovo-Serbia summit an lo neih tawh bawhzuiin Jerusalem-ah embassy hi dah a ni tih a sawi. 

US leh Guatemala ram pawhin an embassy hi Jerusalem-ah an lo dah tawh bawk. Ram tam zawk chuan an embassy hi Tel Aviv-ah an dah a, Israel sorkarin Juda-te khawpui nia Jerusalem a sawi chu Palestinian lam chuan an pawm lo. East Jerusalem chu Israel-in Palestinian ram a luahsak nia sawiin, he hmun hi Palestinian ram a din huna an khawpui tur tih an sawi a ni. Ram tam zawk pawhin Israel-in East Jerusalem a luahsak hi a pawmpui lo a ni.