US Secretary of State-in Iraq tlawh

US Secretary of State Mike Pompeo chuan puangzar lawk loin Thawhlehni khan Iraq khawpui Baghdad a tlawh a, Iran hruaitute kawmin an ram dinhmunte a sawipui. 

Iraq hruaitute nena mee­ting an neih zawhah Pompeo chuan reporter-te a hmu a, sawilawk loa Iraq a tlawhna chhan chu US-in Iran oil lei lo tura a thurualpui ramte a ngen hnuah Iran chu Middle East bialah a tal nat chhoh tak vang tih a sawi. Iraq hruaitute chuan US duhdan chu lo ngaihpawimawh sak a, lo venhim sak an tiam tih a sawi bawk. 

Iraq Foreign Minister Mohammed al-Hakim chuan Pompeo ho hian meeting ṭum hnih neih a nih thu a sawi a, Prime Minister Adel Abdul Mahadi leh President Barham Salih-te meeting a neihpui thu a sawi. Heng meeting pahnihah hian ram pahnihte inlaichinna chungchang te, security lama hmasawnna leh firfiakte beih let dan chungchangte sawiho a ni, a ti. 

Pompeo hian Germany-a zin a tum chu Thawhlehni khan a ṭhulh a, hemi ni vek hian engmah puangzar lawk loin Iraq hi a tlawh thut a ni.