China-ah mosque leh shrine 30 chuang tichhe tawh

China-a Xinjiang province-ah kum 2016 aṭang khan mosque 31 leh shrine pahnih tihchhiat a nih tawh.

Guardian and Bellingcat-in Thawh­lehnia an thil chhuina report an tihchhuahah, satellite image an zir­chianna aṭangin mosque 15 leh shrine pahnih chu nuaibo vek a ni tawh a, mosque dang eng emaw zat pawh tihchhiat a ni tawh a ni. 

Uighur refugee-te kawm kualtu, jounalist CJ Werlemen chuan China hian Xinjiang-a Uighur Muslim cheng, mi maktaduai 12 dawnte lakah beihpui a thlak a, a beihpui thlakna kawng khat atan mosque leh shrine-te hi tihchhiatsak an ni tih a sawi. Shrine an tihchhiat pakhat chu Iman Ashim shrine a ni a, he hmun hi kumtinin Uighuar Muslim sing telin an tlawh ṭhin.