China-in Trump-a chhiah tihsan chhan let tum

China chuan US President Donald Trump-a'n China bungrua an lakluh aṭanga chhiah tihsan a tum chu a taka a kalpui a nih chuan an chhan let ve tur thu a sawi. 

China Commerce Ministry chuan US-in chhiah a lak zat a tihsan chuan loh theih loha an chhan let a ngai dawn tih a sawi a, mahse eng ang taka kalpui nge an tum dan tih erawh a sawilang lo. 

President Trump hian Pathianni khan China aṭanga bungrua an lakluha chhiah 10% an lak ṭhinna chu 25%-ah tihsan a ni dawn tih a sawi a, hei hi vawiin aṭanga hman ṭan turin a ti a ni. 

Trump hian China bungrua an lakluh, US dollar tluklehdingawn 250-ah chhiah a lo tisang tawh a, hemi chhan let nan hian China pawhin US bungrua dollar tluklehdingawn 110-ah chhiah a tisang ve tawh bawk. Ram pahnihte hian insumdawn tawnna kawngah inremna siam tumin inbiakna an nei mek a ni.