Myanmar-a thlawhtheihna chesualah 18 hliam

Myanmar-a Yangon International Airport (YIA) runway-ah Nilaini khan Biman Bangladesh airlines thlawh­theihna a chesual a, mi 18 in hliam an tuar. Hliam tuar zingah hian thawktu mi panga an tel. 

Biman Flight No. BG-60 hi Dhaka aṭanga Yangon pan a ni a, khualzin 28 leh thawktu paruk an chuang a ni. Nilaini zan dar 6.50 khan Yangon airport runway-ah a ṭum tur chu a chesual a ni. 

Thlawhtheihna chet­sual chhan hi ruahsur nasa leh khaw hmuh theih chin tawi vang nia sawi a ni. Hliam tuarte hi North Okkalapa General Hospital-ah enkawl tura hruai nghal an nih thu Shweyaung Tha­maing, Emergency Re­scue and Social Support Orga­nization chairman Zwe Yan Naing chuan a sawi.