Kim Jong-un-a farnu in US a vau

North Korea ram hotu, Kim Jong-un farnu, Kim Jo Yong chuan South Korea leh US-in joint military drill an neih mek chu sawiselin, US chu remna leh muanna a awm a duh a nih chuan harsatna engmah siam lo turin a vau. 

Nimin khan state news agency, KCNA chuan Kim Jo Yong thusawi hi tichhuakin, "US sorkar thar chuan kum li lo awm tur chu thlamuang taka hman a duh a nih chuan, a hmalakna hmasa berah hian harsatna siam lo tura a inven a ngai a ni," a ti. He thu hi US secretary of state Antony Blinken leh defence secretary Lloyd Austin-ten South Korea ram an tlawh hma niin a sawi chhuak a ni. 

US leh South Korea in joint military drill an neih mek chu sawisel bawkin, North Korea chuan ram pahnih sipaite nungchan zirho neih ṭhin hi an ram run tuma inbuatsaihnaah a ngai tih a lo sawi tawh ṭhin a ni. Kim Jo Yong chuan, "South Korea sorkar chuan 'March of War', 'March of Crisi' lam bawk a thlang leh ta a ni," a ti. SKorea nungchang chu an enthlak zui reng tur thu leh, NKorea runluih zawnga an chet a nih chuan na taka an chet tur thu Kim Yo Jong chuan a sawi bawk.