US-in Qatar hnena Apache helicopter hralh a remti

US State Department chuan Qatar ram hnena Apache attack helicopter AH-64E 24, US dollar tluklehdingawn thum man hralh rawtna chu a pawmsak. 

Defence Security Cooperation Agency chuan State Department-in Qatar hnenah Apache helicopter hralh a remtih thu hi a sawi a, helicopter chauh ni lo hian additional part - engine, night vision sensor, missile leh gun-te pawh lei a remtihsak bawk. 

DSCA chuan helicopter-te hi air support leh anti-tank warfare mission atan hman an ni dawn tih a sawi a, Qatar peninsula tan venhimna ṭha zawk a siam theih phah dawn a ni, a ti. Qatar hnena helicopter hralh tur hi US-in a ṭhianṭha ramte security tihchangtlun kawnga puih a inhuamna a lantirna pakhat a ni tih a sawi bawk. Mahse helicopter leitir tur chungchang hi Congress-in a la ennawn leh dawn a, chu mi hnuah tihfel a ni chauh ang.