Police kutah Brazil president hlui a inpe

Eiruk thubuai nei lai, Brazil president hlui Michel Temer chu Ningani khan police kutah a inpe. 

President hlui hi March thla tawp lam khan man a lo ni tawh a, jail-ah ni nga chhung a awm hnuin ngaihnathiamna pek a ni a, chhuah tir a ni. Mahse he ngaihnathiamna pek hi Nilaini khan a tawp tak avangin president hlui hi police kuta inpe turin ni khat hun pek a ni a, hemi chhunga a inpek loh chuan man a ni dawn tih hrilh a ni. Hei vang hian Ningani khan police kutah a inpe ta a ni. 

Temer hi president a nih laia scheme lian tham taka eirukna thlengah inhnam­hnawiha puh a ni. He scheme hnuaiah hian Rio de Janeiro state-a nuclear power plant Angra 3 sak a ni. President hlui hi eirukna hrang hrang, sum tihchingpen, dik lo taka sum dawn leh pawikhawihna danga inhnamhnawiha puhin thubuai siamsak a ni.