Palestinian FM-in Israel a dem

Palestinian Foreign Minister Riyad al-Maliki chuan Israel-in Palestinian ram a luahsaka Juda-te inben­belna tur a siamsak chu a dem thu a sawi a, Israel chuan heng hmunte hi luah ngheh a tum a ni, a ti. 

United Nations Security Council-in Arria-formula meeting a neihnaah hemi thu hi a sawichhuak a, Israel chuan dan bawhchhia a,  Palestinian ram a luahte a ram zauhna atana hman a tum chu thup pawh a thup tawh lo tih a sawi. 

Palestinian rama Juda mi cheng hi an pung nasa hle tih a sawi bawk. Kum 25 liam taa Oslo Accords ziah a nih lai khan Palestinian ram china Israel mi cheng chu 1,00,000 vel an ni a, mahse tunah chuan 6,00,000 chuang an ni tawh tih a sawi. 

Arria-formula meeting hi UN Security Council informal meeting a ni a, he hunah hian United Nations Security Council member ni lote pawh an tel thei a, thu pawh an sawi thei a ni.