UN team-in Bangladesh-a Rohingya Muslim-te awmna tlawh

Bangladesh-in an rama Rohingya Muslim raltlan zinga mi 13,000 vel a sawnna hmun tlawh turin nimin khan United Nations team chu ni thum cham turin Bangladesh-ah an zin. 

Nikum December thla khan Rohingya raltlante hi Bhasan Char island-ah sawn an ni a, he hmun hi tuipui lam, tuilianin a tihbuai theih reng hmun a nih avangin raltlante sawn an ni pawh hi human rights group-te chuan an sawisel nasa hle a ni. 

Mahse Bangladesh chuan raltlante hi he hmunah hian dah ngheh an ni dawn lo tih a sawi thung. Raltlante ho awmna camp-te chu an chep avang leh, buaina leh pawikhawihna te a tam phah avangin an zinga ṭhenkhat chu sawn chhuah an ni tih a sawi a, mi dang pawh sawn chhuah belh a la tum a ni. 

UN team hian Bhasan Char-a raltlante dahna hmunte leh an dinhmunte an enfiah dawn a, Bangladesh thuneitute pawh kawmin hma lak zel dan tur pawh an sawipui nghal ang.