Saudi oil tanker pahnihin beih tawk

Saudi Arabia Energy Minister Khalid al-Falih chuan an ram oil tanker pahnih chu Pathianni khan United Arab Emirates (UEA)-a Fujairah tuipuiah beih an ni tih a sawi. 

Oil tanker pakhat hian Ras Tanura aṭangin crude oil a phur a, US-a Saudi Arabia oil company Aramcu customer hnena pek tur a ni. Falih chuan tanker pahnihte hian beih tawk mah se, thi an awm lo a, oil bua pawh a awm lo tih a sawi. Mahse lawng erawh a chhe nual tih a sawi a ni. 

Fajurairah port hi Arabian Sea cost-ah United Arab Emirates terminal awmchhun a ni a, Strait of Hormuz a paltlang a, hei hi hi Gulf oil thawnchhuah tam zawk kalkawng atana hman a ni. Saudi Arabia, Iraq, UAE, Kuwait, Qatar leh Iran oil thawnchhuah barrel maktaduai 15 vel chu nitin hemi kaltlang hian phurh chhuah an ni ṭhin. Iran chuan US nena an inkar boruak a ṭhat loh avangin he Strait hi kharah a vau fo a ni.