New Zealand-in Christchurch mosque beih chungchang a ngaihtuah ṭan

New Zealand chuan kumin March 15-a Christchurch khuaa mosque pahnih beih a nih a, mi 51 in an thih phahna chungchang chu Thawhṭanni aṭang khan hearing a nei ṭan. 

Christchurch khuaa mosque pahnihte hi mingo dah chungnun duhtu, white supremacist Australia mi Brenton Tarrant chuan silai nen luhchilhin a chhunga ṭawngṭaina hun hmanga awmte chu a pawng kah a ni. Tarrant hian a pawi khawih lai hi a Facebook-ah live-in a tichhuak bawk. He pawi­khawihna thleng hi New Zealand-a inkahna thleng rapthlak ber nia sawi a ni. 

Royal Commission chuan pawikhawihtu chet dan hrang hrang, social media a hman dan leh inter­national connection a neih dante a chhui dawn a ni. Prime Minister Jacinda Adern chuan Commission thil hmuhchhuah aṭangin hetiang pawikhawihna ang hi a thlen nawn tawh lohna turin hma an la dawn tih a sawi. Commission report hi December 10-ah sorkar hnenah thehluh a ni ang.