Sweden-in Assange thubuai thar thawh leh dawn
Sweden prosecutor-te chuan WikiLeaks founder Julian Assange-a pawngsual thubuai chu an thar thawh leh dawn a, Britain hnenah an rama thawn tura dil an tum bawk.
Prosecutor Eva-Marie Persson chuan news conference a neihah, kum 2017-a Assange-in London-a Ecuador embassy-a inhumhimna dila a luh hnuah a thubuai tihtawp tak hi hawn chhunzawm leh a ni dawn tih a sawi.
Assange hi Ecuador sorkarin humhimna a pek a tihtawp hnuah April thla khan Britain-ah man a ni. Embassy-ah hian kum sarih zet hun a hmang hman a ni. Man a nih hnu hian kar 50 tang turin hrem zui a ni. Assange hi WikiLeaks-ah US sorkar document pawimawh tam tak a tlangzarh sak avangin US pawhin thubuai eng emaw zat a siamsak a, a thubuai hmachhawn tur hian US-a thawn turin Britain hnenah pawh an dil ve mek a ni.