Syria-in Israel missile kap thla

Syria air defence-te chuan Ningani zanlai pelh tawhah khan southern Quneitra province-a Homs-ah Israel missile an lo kap thla.

Israel hian Golan Heights-a an hmun luah leh Labanon van bo­ruak aṭangin indo thlawh­theihna hmangin missile hi an kap chhuak a, mahse Syria air defence-te chuan an lo dang chat a ni. 

Syria ram buaina kal zelah hian Israel hian Syria-a Iran mi awmte bitumin missile an kap chhuak fo tawh a, February 23 pawh khan Syria air defence-te hian Damasca chungah Israel missile eng emaw zat an lo dang chat tawh bawk.

February 6 pawh khan Israel hian Syria sorkar thlawp mi eng emaw zat missile hmangin an that tawh bawk a ni.