Nepali tlang lawn miin Mt. Everest ṭum 23 lawnchhuak

Nepali tlang lawn mi, Kami Rita Sherpa chuan Thawhlehni khan khawvela tlang sang ber, Mount Everest tlang chhip a lawnchhuak leh a, hei hi ṭum 23 a lawnchhuahna a ni a, record a siam a ni.

Mt. Everest lawn hun hi March leh May inkar a ni ṭhin a, kum 49 mi Kami Rita Sherpa hian Nepal lam aṭangin a lawn a ni. Mt. Everest hi Nepal leh Tibet lam aṭangin a lawn theih ve ve a ni.  

Thawhlehni khan Kami Rita Sherpa rual hian Nepali tlang lawn mi dang pariatte pawhin Mt. Everest hi an lawnchhuak a ni. 

Kumtinin Everest tlang lawnchhuah tum mi tam tak an kal ṭhin a, nikum khan mi 807 in an lawnchhuak a, heng zinga 563 chu Nepal lam aṭanga kal an ni a, a dang 277 chu Tibet lam aṭanga kal an ni thung. Nikuma tlang lawnchhuah tum zinga pariat chu an thi a, an zingah hian tlang lawnte hruaitu Sherpa pakhat a tel.