Sudan sipai leh nawrh huaihawttu te'n inremna an siam

Sudan-a thuneihna chelhtu sipaite chuan civil mite hnena thuneihna hlan phuta nawrh huaihawt mek, Alliance for Freedom and Change nen inremna an siam a, kum thum chhungin civil hnenah thuneihna pumhlum hlan an remti. 

Nimin zinga reporter-te a kawm­naah, Lieutenant General Yasser al-Atta chuan civil sorkar din a nih hmaa thuneihna insem dan turah darkar 14 chhungin inremna tihfel tum a ni, a ti. He inremna siam turah hian thuneihna chelhtu tur sovereign council dinna tur pawh a tel dawn a ni. 

Hun rei tak Sudan ram roreltu, Omar al-Bashir chu thla hmasa khan a thuneihna aṭangin paihthlak a ni a, hemi hnu hian sipaite hian thuneihna hi an chelh zui a ni. Mahse sipai general-te hi bang tura phutin mipuite chuan an ram khawpui, Khartoum-ah nawrh an huaihawt zui a ni.