Fiji-a school-ah intihduhdahna thleng

Fiji ramah chuan nikum chhung khan school-a intih­duhdahna (bullying) thubuai 6,000 chuang ziahluh a ni tih National Substance Abuse Advisory Council report chuan a tarlang.

An ram khawpui Suva-ah chuan intihduhdahna thubuai 1,280 chungchang thehluh a ni a, hei hi an ramah chuan a sanna ber a ni. Counsellor Selina Kuruleca chuan zirna ina intihduhdahna chu boarding school-ah phei chuan an buaina lian ber zinga mi a ni tawh tih a sawi.