Taiwan-in mahni anpui nena inneih phalsak

Taiwan Parliament chuan nimin khan mahni anpui inneih (same-sex marriage) phalna bill a pass. Asia ram zingah mahni anpui nena inneih phalsak hmasa ber a ni. 

Nimina Parliament-a same-sex marriage bill ngaihtuah hi rorellai Democratic Progressive Party (DPP) chuan a thlawp a, vote laknaah a thlawp lamah vote 66 tlain a duh lo lamah vote 27 a tla thung. Parliament-in bill a pass hi law-a chantir turin President Tsai Ing-wen-a'n a hming a sign hnan ve leh a ngai dawn a ni. 

President Tsai hian kum 2016-a president thlanna neih dawna a campaign au hlaah inneih chungchangah mi tin tan intluktlanna siam a lo tiam tawh a ni. Nimin khan Parliament-a vote lak a nih hma pawhin a twitter-ah chanchin chhinchhiah tlak leh hriatreng tur siamna hun remchang an nei tih a sawi a, khawvel hmaah an lantir a ngaih thute a tarlang. 

Mahni anpui neih hi phal ni dawn mah se, inneite hnenah hian eng ang chanvo nge pek theih chin erawh tihchian a la ni lo. Nau lak (adoption) leh ramdang mi nena inneih phalsak leh phalsak loh chungchang chu ngaihtuah chhunzawm a ni dawn a ni.