Malaysia Parliament-in PM thar thlang dawn

Malaysia prime minister aṭanga Mahathir Mohamad a ban avangin Parliament chuan kar leh hian Prime Minister thar tur a thlang dawn. 

Mahathir Mohamad chuan PM a nihna aṭanga banna a thehluh hnuah, an ram lal ngenna angin hruaitu hna hi a la chelh lailawk a ni. Ningani khan Mahathri chuan lal hi hmuin, ni hnih chhung legislator 222-te a kawm kual hnuah, a tam zawkin an pawmpui theih PM candidate tur hi a hmu zo lo tih a hrilh. Hei vang hian lal chuan March 2-ah PM thar tur hi Parliament-a thlang turin a hrilh tih a sawi. 

March 2-a Parliament lower house-in PM thar tur hi an thlang chhuak thei lo a nih chuan inthlan buatsaih a ngai mai dawn tih Mahathir chuan a sawi bawk.