Pakistan PM-in Covid-19 vaccine a la

 

 

Pakistan prime minister Imran Khan chuan Ningani khan China siam Covid-19 vaccine Sinopharm chu a la tih Special Assistant to the Pakistani Prime Minister on Health Faisal Sultan chuan a sawi. 

Kumin February thla tir aṭang khan Pakistan chuan Covid-19 vaccine a pe chhuak ṭan a, China siam vaccine Sinopharm chu Pakistan-ah hian thawn a ni. Nilaini khan China-in vaccine a thawn thawh hnihna chu Pakistan-ah hian a thleng a, a tukah PM chuan vaccine hi a la ve a ni. Vaccine thawn hmasa zawk hi Pakistan-a healthcare worker-te pek an lo ni tawh a ni.  

PM bakah hian Thawhṭanni (March 15) khan Pakistan president Arif Alvi leh a nupui Samina Arif chuan vaccine hi an lo la ve tawh bawk.