Sipai thuneihna duh loh vangin Taiwan-a Myanmar mite'n rally an nei
Taiwan-a Myanmar mi cheng mi za chuangte chuan nimin khan an ram Myanmar-a sipai thuneihna duh lohna lantirin rally an nei.
Rally hi Taiwan khawpui Taipei-a Liberty Square-ah neih a ni a, he hunah hian mi 400 vel kalkawmin, sipai thuneihna auh elna hlate an sa a, sipai vanga an hnam pui thi tawh zawng zawngte zahna lantirna atan thamhnaw var inbelin, Aung San Suu Kyi thlalak an ken bakah rose sen an keng bawk a ni. Taiwan-ah hian Myanmar mi 40,000 chuang an cheng a ni.
Kalkhawmte hmaah hian Taipei Soochow University-a zirtirtu Thomas Chen chuan thu sawiin, "Vawiinah hian kan ramah sipaiin ro an rel leh a, kan ram chuan hun thim tak a hmachhawn mek a ni. Kan ram tana nunna hlantute leh pasalṭha zawng zawngte zahna lan tirin kan kal khawm a, sipai lalna hi kan duh loh avangin kan kal khawm bawk," a ti.
Myanmar-ah mi 200 chuang an thi tawh
Sipai thuneihna duh lohna lantirna chu Myanmar-a hmun hrang hrangah neih chhunzawm a la ni reng a, sipaiin thuneihna a chan ni, February 1 aṭanga sipai rorelna dodaltu thi tawh zawng zawngte hi mi 200 chuang anni tawh tih Assistance Association for Political Prisoners activist group chuan a tarlang.
Kar liam ta Inrinni thleng khan Assistance Association for Political Prisoners activist group chuan February 1 aṭanga thi tawh zawng zawng chu mi 247 an nih thu a tarlang a, hetih lai hian media ṭhenkhat chuan hei aia tam fe hi an thi tawh niin an tarlang ve bawk.
Myanmar vangin ASEAN summit neih rawt
Indonesia president Joko Widodo chuan Mynamar chungchang sawi ho a ngaih thu a sawiin, ASEAN summit chu emergency-a koh mai a ngaih thu a sawi.
Hemi chungchang hi Malaysia prime minister Muhyiddin Yassin pawhin sawi ve bawkin, Indonesia president hi a thlawp thu a sawi a, sipaite'n civil mite kut an thlakna chu an ramin engtikah mah a pawm theih dawn loh thu pawh a sawi a, Mynamar ram tawrhna chu thlir liam mai mai chi a nih loh thu a sawi bawk a ni.
Khawthlang lamin Myanmar-a sipai rorelna an sawisel hnuah Mynamar ram ṭhenawmte chuan sipai rorelna an sawiselna chu an au chhuahpui ṭan a, Indonesia president Joko Widodo chuan Mynamar ram buaina chu a rangthei ang bera tih tawp nise a duh thu a sawi.
Rally hi Taiwan khawpui Taipei-a Liberty Square-ah neih a ni a, he hunah hian mi 400 vel kalkawmin, sipai thuneihna auh elna hlate an sa a, sipai vanga an hnam pui thi tawh zawng zawngte zahna lantirna atan thamhnaw var inbelin, Aung San Suu Kyi thlalak an ken bakah rose sen an keng bawk a ni. Taiwan-ah hian Myanmar mi 40,000 chuang an cheng a ni.
Kalkhawmte hmaah hian Taipei Soochow University-a zirtirtu Thomas Chen chuan thu sawiin, "Vawiinah hian kan ramah sipaiin ro an rel leh a, kan ram chuan hun thim tak a hmachhawn mek a ni. Kan ram tana nunna hlantute leh pasalṭha zawng zawngte zahna lan tirin kan kal khawm a, sipai lalna hi kan duh loh avangin kan kal khawm bawk," a ti.
Myanmar-ah mi 200 chuang an thi tawh
Sipai thuneihna duh lohna lantirna chu Myanmar-a hmun hrang hrangah neih chhunzawm a la ni reng a, sipaiin thuneihna a chan ni, February 1 aṭanga sipai rorelna dodaltu thi tawh zawng zawngte hi mi 200 chuang anni tawh tih Assistance Association for Political Prisoners activist group chuan a tarlang.
Kar liam ta Inrinni thleng khan Assistance Association for Political Prisoners activist group chuan February 1 aṭanga thi tawh zawng zawng chu mi 247 an nih thu a tarlang a, hetih lai hian media ṭhenkhat chuan hei aia tam fe hi an thi tawh niin an tarlang ve bawk.
Myanmar vangin ASEAN summit neih rawt
Indonesia president Joko Widodo chuan Mynamar chungchang sawi ho a ngaih thu a sawiin, ASEAN summit chu emergency-a koh mai a ngaih thu a sawi.
Hemi chungchang hi Malaysia prime minister Muhyiddin Yassin pawhin sawi ve bawkin, Indonesia president hi a thlawp thu a sawi a, sipaite'n civil mite kut an thlakna chu an ramin engtikah mah a pawm theih dawn loh thu pawh a sawi a, Mynamar ram tawrhna chu thlir liam mai mai chi a nih loh thu a sawi bawk a ni.
Khawthlang lamin Myanmar-a sipai rorelna an sawisel hnuah Mynamar ram ṭhenawmte chuan sipai rorelna an sawiselna chu an au chhuahpui ṭan a, Indonesia president Joko Widodo chuan Mynamar ram buaina chu a rangthei ang bera tih tawp nise a duh thu a sawi.