TikTok-in Myanmar sipai thlawptute account titawp
Myanmar sipai rorelna thlawptuten sipaite thlawpna leh nawrh huaihawtte vauna atana video-sharing platform, TikTok an hman avangin TikTok chuan Myanmar-a account eng emaw zat chu a titawp sak.
TikTok thupuangtu chuan an platform chu inhuatna lam, tharum thawhna leh thu dik lo thehdarhna hmanrua leh chawi larna atan hman an remti lo tih a sawi. Facebook pawhin February thla khan sipaite leh sipai thurualpui pawlten Facebook leh Instagram an hman a lo khapsak tawh bawk a ni.
Healthcare worker-ten lungawi lohna lantir leh
Pathianni khan Myanmar-a doctor leh healthcare worker-te chuan sipai rorelna duh lohna lantirin Mandalay-ah lungawi lohna an lantir leh.
Doctor leh healthcare worker-te chuan Pathianni zing khawvar tirh khan kawng an zawh leh a, hemi ni vek hian engineer-te chuan he khawpuiah vek hian 'no-human strike' nei bawkin, khawpui chhung kawtthlerah leh vantlang hmunahte sipai rorelna duh lohna thuziakte an tar a ni.
Inrinni zan leh Pathianni khan ram chhunga khawpui hrang hrangah candle-lit protest neih a ni bawk. Nawrh huaihawtna hmun ṭhenkhatah chuan Budddhist monke-te pawh an tel.
Sipai kut tuarin mi 274 thi tawh
Assistance Association for Political Prisoners chuan February 1-a sipaiten civil sorkar thuneihna an hnehchhuh avanga ram chhung hmun hrang hranga nawrh huaihawt zinga sipai kut tuara thi chu mi 274 an tling tawh tih a sawi.
Sipaite hian nawrh huaihawtte hi silaiten an pawng kah avangin, thite pawh hi silaia kah fuh vek an ni.
Pathiannia Monyawa khuaa nawrh huaihawta daidanna siamte chu sipaiten kap lehin, an zingah pakhat a thi a, hliam tuar eng emaw zat an awm bawk.
Journalist 40 man an ni tawh
Sipai rorelna duhlohna lantira mipuite nawrh huaihawt chungchang report-tu, journalist 40 man an ni tawh a, media company panga licence tihtawp a ni tawh bawk.
Sipaite hian newsroom-te dapin, an document leh hmanruate pawh an lo man sak tawh hlawm bawk. Kar liam ta Zirtawpni aṭanga chin hriat loha awm, BBC Myanmar language news reporter,
Aung Thur chu nimin khan chhuah a ni.
March 19 khan Augn Thura leh local news organisation, Mizzima reporter Than Htike Aung-te chu Nay Pyi Taw court pawn lama an awm laiin hruai bo an ni a, biak pawh theih loha an awm hnuah nimin khan BBC chuan an reporter hi chhuah a ni tih a sawi a, a chanchin kimchang erawh a sawilang lo.
TikTok thupuangtu chuan an platform chu inhuatna lam, tharum thawhna leh thu dik lo thehdarhna hmanrua leh chawi larna atan hman an remti lo tih a sawi. Facebook pawhin February thla khan sipaite leh sipai thurualpui pawlten Facebook leh Instagram an hman a lo khapsak tawh bawk a ni.
Healthcare worker-ten lungawi lohna lantir leh
Pathianni khan Myanmar-a doctor leh healthcare worker-te chuan sipai rorelna duh lohna lantirin Mandalay-ah lungawi lohna an lantir leh.
Doctor leh healthcare worker-te chuan Pathianni zing khawvar tirh khan kawng an zawh leh a, hemi ni vek hian engineer-te chuan he khawpuiah vek hian 'no-human strike' nei bawkin, khawpui chhung kawtthlerah leh vantlang hmunahte sipai rorelna duh lohna thuziakte an tar a ni.
Inrinni zan leh Pathianni khan ram chhunga khawpui hrang hrangah candle-lit protest neih a ni bawk. Nawrh huaihawtna hmun ṭhenkhatah chuan Budddhist monke-te pawh an tel.
Sipai kut tuarin mi 274 thi tawh
Assistance Association for Political Prisoners chuan February 1-a sipaiten civil sorkar thuneihna an hnehchhuh avanga ram chhung hmun hrang hranga nawrh huaihawt zinga sipai kut tuara thi chu mi 274 an tling tawh tih a sawi.
Sipaite hian nawrh huaihawtte hi silaiten an pawng kah avangin, thite pawh hi silaia kah fuh vek an ni.
Pathiannia Monyawa khuaa nawrh huaihawta daidanna siamte chu sipaiten kap lehin, an zingah pakhat a thi a, hliam tuar eng emaw zat an awm bawk.
Journalist 40 man an ni tawh
Sipai rorelna duhlohna lantira mipuite nawrh huaihawt chungchang report-tu, journalist 40 man an ni tawh a, media company panga licence tihtawp a ni tawh bawk.
Sipaite hian newsroom-te dapin, an document leh hmanruate pawh an lo man sak tawh hlawm bawk. Kar liam ta Zirtawpni aṭanga chin hriat loha awm, BBC Myanmar language news reporter,
Aung Thur chu nimin khan chhuah a ni.
March 19 khan Augn Thura leh local news organisation, Mizzima reporter Than Htike Aung-te chu Nay Pyi Taw court pawn lama an awm laiin hruai bo an ni a, biak pawh theih loha an awm hnuah nimin khan BBC chuan an reporter hi chhuah a ni tih a sawi a, a chanchin kimchang erawh a sawilang lo.