March 23-ah Israel inthlang dawn
Israel rama ṭangrual sorkar siamtu, Likud party leh Blue and White party-te chu an thawh chhunzawm theih tawh loh avangin March 23 hian inthanpui an nei leh dawn.
Nikuma inthlanpui an neihah khan party mala sorkarna siam thei an awm lo a, hei vang hian Likud leh Blue and White party chuan ṭangrual sorkar siam turin inremna an siam a, party pahnih hruaitu Benjamin Netanyahu leh Benny Gantz-te chu Prime Minister dinhmun inchelh chhawk turin an inrem a ni. Netanyahu hi PM ni hmasain, an term chanve zawh hnuah Gantz hi PM ni ve leh tura tih a ni.
Mahse Gantz hian nikuma Netanyahu kaihhruai sorkarin 2020-21 budget a pawm mai loh avangin a lungawi lo a ni. PM Netanyahu chuan kum thar lama pawm tura tihkhawtlai a duh laiin Gantz hian pawm nghal a duh thung. Hei vang hian an thawhdunna pawh titawpin, Parliament ṭhiah rawtna bill siam zui a ni a, nikum December 23 khan Israel Parliament, Knesset 23-na chu ṭhiatin, ṭangrual sorkar a tawp zui ta a ni.
March 23-a inthlanpui an neih tur hi kum hnih chhunga inthlanpui an neih ṭum lina tur a ni. Seat 120 awmna, Knesset-ah hian majority nei tur chuan seat 61 chin tal lak a ngaih avangin party mal tan sorkarna siam a harsa ṭhin hle. Mipui ngaihdan lak hnuhnung berah pawh party mala sorkarna siam thei ring an awm lo a, mahse Likud party chuan seat la hnem ber a nih an ring hlawm.
Inthlanpui neih turah hian Likud leh Blue and White party chu inkhing leh ber tura rin an ni a, anni bakah hian finance minister hlui Yair Lapid kaihhruai centre-left Yesh Atid party, cabinet minister hlui Gideon Saar-a party din thar New Hope party leh high-tech milionaiare Naftali Bennett party Yamina party-te chu party dang langsar tura rin zingah an tel.
Nikuma inthlanpui an neihah khan party mala sorkarna siam thei an awm lo a, hei vang hian Likud leh Blue and White party chuan ṭangrual sorkar siam turin inremna an siam a, party pahnih hruaitu Benjamin Netanyahu leh Benny Gantz-te chu Prime Minister dinhmun inchelh chhawk turin an inrem a ni. Netanyahu hi PM ni hmasain, an term chanve zawh hnuah Gantz hi PM ni ve leh tura tih a ni.
Mahse Gantz hian nikuma Netanyahu kaihhruai sorkarin 2020-21 budget a pawm mai loh avangin a lungawi lo a ni. PM Netanyahu chuan kum thar lama pawm tura tihkhawtlai a duh laiin Gantz hian pawm nghal a duh thung. Hei vang hian an thawhdunna pawh titawpin, Parliament ṭhiah rawtna bill siam zui a ni a, nikum December 23 khan Israel Parliament, Knesset 23-na chu ṭhiatin, ṭangrual sorkar a tawp zui ta a ni.
March 23-a inthlanpui an neih tur hi kum hnih chhunga inthlanpui an neih ṭum lina tur a ni. Seat 120 awmna, Knesset-ah hian majority nei tur chuan seat 61 chin tal lak a ngaih avangin party mal tan sorkarna siam a harsa ṭhin hle. Mipui ngaihdan lak hnuhnung berah pawh party mala sorkarna siam thei ring an awm lo a, mahse Likud party chuan seat la hnem ber a nih an ring hlawm.
Inthlanpui neih turah hian Likud leh Blue and White party chu inkhing leh ber tura rin an ni a, anni bakah hian finance minister hlui Yair Lapid kaihhruai centre-left Yesh Atid party, cabinet minister hlui Gideon Saar-a party din thar New Hope party leh high-tech milionaiare Naftali Bennett party Yamina party-te chu party dang langsar tura rin zingah an tel.