Saudi Arabia-in Sudan bank-ah Dollar mtd. 250 a dah sak

Saudi Arabia chuan Sudan ram ṭanpuina turin Pathianni khan Sudan central bank-ah US dollar maktaduai 250 a dah sak. Sudan hian an ram president Omar al-Bashir paihthlak a nih hnuah sum lamah harsatna a tawk mek a, April thla khan Saudi Arabia leh United Arab Emirates chuan Sudan ṭanpuina tur hian dollar tluklehdingawn thum an pek tur thu an lo puang tawh a ni. Saudi Arabia finance ministry chuan Pathianni khan Saudi central bank-ah dollar maktaduai 250 an dah thu hi a sawi a, April thla khan UAE chuan dollar maktaduai 250 hi a lo dah tawh bawk. Sudan ram ṭanpuina tura sum an pekte hi ei tur, damdawi leh petroleum product leina tur a nih thu Saudi Press Agency official chuan a sawi.