Tanazia President Magufuli vui liam

Tanzania president John Magufuli, March 17-a lung lam ṭhat loh vanga thi chu Thawhṭanni khan state chawimawina famkim nen an ram khawpui, Dodoma-ah vuiliam a ni. President vuina inkhawm hi Jamhuri Stadium-ah neih a ni a, Africa ram hruaitu hrang hrangte leh ram dang palai eng emaw zat an tel. A thlahna thusawitu zingah hian Kenya president Uhuru Kenyatta leh Zimbabwe president Emmerson Mnangagwa te an tel. Africa ram hruaitute chuan a thlah liam tak, Magufuli chu Africa ram fapa dik tak, mi rethei leh harsa zawkte tana ding tlat ṭhin a ni tiin an sawi a, amah thlaktu President Samia Suluhu Hassan chu ṭha taka thawhpui chhunzawm zel an tum thu an sawi. Kum 61 mi, John Magufuli ruang hi an khua, Geita biala Chato district-ah  March 26 hian phum a ni ang.