Gambia MP-ten skin-lighteningproducts khapna thlawp

Africa khawthlang lam ram, Gambia Parliament member-te chuan vun tihngona, skin-lightening products khapna siam, sorkarin hlip tura rawtna a siam chu an hnawl a, khap chhunzawm zel an duh. Skin lightening products hi Africa bakah South Asia leh Middle East-ah, a bikin hmeichhiaten an hmang uar hle. Mahse bleaching agent-te hi taksa hriselna atana hlauhawm theite a awm avangin sawiselna leh inhnialna pawh a tam hle. Kum 1996 aṭang khan Gambia ramah hian skin-bleaching products te hi khap a ni a, mahse nikum khan President Adama Barrow kaihhruai sorkar chuan he khapna siam hi hmeichhiate thliarhranna nia sawiin titawp a rawt a ni. Thawhṭanni khan Parliament-ah sorkar rawtna hi sawiho a ni a, mahse MP tam zawk chuan hriselna nghawng thei a ni tiin khap chhunzawm zel an thlawp. MP zinga 23 chuan khap chhunzawm zel an duh laiin, MP 10 chuan khapna tihtawp hi an duh a, vote ṭhenkhat chu vote thlak loin an hai thung.