Donald Trump-an Japan emperor hmu
United States (US) President Donald Trump chuan nimin zing khan Japan lal thar, Emperor Naruhito chu lal inah a hmu a, ram dang hruaitu zingah Japan lal thar hmu hmasa ber a ni.
President Donald Trump hi ni li cham turin kar kalta Inrinni khan Japan-ah hian a zin a ni. Nimin zing khan lal inah Emperor Naruhito hi a hmu a, hemi hnu hian Japan Prime Minister Shinzo Abe nen meeting an nei leh. Meeting zawhah chaw chhun kil dunin, press coference an nei zui leh bawk.
Japan PM Abe chuan President Trump nena inpawhna ṭha tak an neih chuan ram pahnihten insumdawn tawnna, sipaite thawhdunna leh North Korea nuclear programme chungchanga inbiakna an neihnah nghawng ṭha tak a neih chhoh zel a beisei thu a sawi.
Trump hian vawiin hian Japan-a US base a tlawh dawn a, US sipaite hma-ah thu a sawi ang.