US blacklist hian consumer vaibel-chhe tel a nghawng dawn : Huawei

Chinese company, Huawei company chuan United States-in trade blacklist-a Huawei company a dah chuan consumer vaibelchhe tel a nghawng dawn a, America company-te tan pawh a pawi dawn a, hnathawktute thlengin a nghawng dawn a ni, an ti. 

US chuan khawvela telecoms hmanrua siamtu lian ber leh smartphone siamtu lian ber dawttu, Huawei hmanraw siamte hi an ram security tan a hlauhthawnawm tih sawiin, China sorkar chuan US security enthlakna atan a hmang thei dawn tih a sawi. Hei vang hian Huawei hi blacklist-ah a telh a ni. Mahse hei hi Huawei chuan nasa takin a pha thung a, China sorkar nen inzawmna an nei lo tih an sawi a ni. 

Blacklist-a Huawei hi telh a nih vangin US firm-te chuan sorkar aṭanga phalna an neih loh chuan Huawei nen hian a indawr thei tawh dawn lo a ni. Huawei top legal officer, Song Liuping chuan US khapna siam hian ram 170 chuanga an customer-te a nghawng dawn tih a sawi. "US sorkarin America company-te Huawei nena insumdawn tawn a khapsakna hian US company 1,200 chuang a nghawng pawi thei dawn a, hei hian America mi hnathawktu sing tel a nghawng zui leh dawn a ni," a ti.