Hungary-a lawng chesualah mi 7 thi Chin hriat lohin mi 21 an awm

Hungary ram khawpui Budapest-a Danube luiah an ram huna Nilaini zan dar 10 velah khan lawng a chesual a, mi pasarih an thi a, he thu ziah lai hian mi 21 chin hriat lohin an awm mek bawk.

Thite hi South Korea khualzin vek an nih thu tarlan a ni a, chhanchhuah hna thawh nghal a ni. Lawng chesualah hian South Korea khualzin mi 30 an chuang a, tour guide mi pathum leh Hungarian mi pahnih crew member an chuang tel bawk. An chuanna lawng hi vaukama a ding tur lawng dang nen an insu nia sawi a ni. Mi pasarih chhanchhuah an ni tawh a, midang hi la zawn mek zel an ni. 

Lawng chetsualna hmun hi parliament building bul a ni a, South Korea foreign ministry pawhin an ram mi pasarih an thi tih hi an puang chiang tawh a ni. Nilaini khan ruah a sur nasa hle nia tarlan a ni a, ruahsur nasa tak hnuaiah chhanchhuah hna pawh hi thawh a ni.
Danube lui hi Hunga­ry-a lui lar tak, khualzinte pawhin an tlawh nasat tak a ni a, official-te chuan chetsualna a thleng khat hle tih an sawi.