Papua New Guinea PM thar atan James Marape thlang

Papua New Guinea chuan kar thum zet politics buaina an neih hnuah Prime Minister thar atan James Marape an thlang.

New Guinea lawmaker-te chuan an finance minister hlui, gas project duh loh avanga April thlaa bang ta James Marape chu Prime Minister atan hian an thlang a ni. Nilainia Prime Minister ni lai Peter O'Neill a ban hnu lawk khan Marape hi an thlang zui a ni. Peter O'Neill hi kar li chhung zet bang tura nawr a ni a, Nilaini khan a bang ta nge nge a ni. 

O'Neill-a sorkar hian French com­pany Total leh US firm ExxonMobil-te nen multi-billion-dollar gas project atana inremna an ziah avangin sawiselna a tawk nasa hle a, hemi duh loh avang hian James Marape pawhin finance minister a nihna a bansan hial a, mahse PM atan hian thlan a ni leh ta tho a ni.

He project hian PNG gas thawn chhuah chu a let thawkin a tipung dawn a, mahse tualchhung mipuite chuan a hlawkna an tel ve dawn loa hriain an dodal ta a ni.