World Bank-in Myanmar economy tlakhniam ring

World Bank chuan Myanmar sipaiten civil sorkar thuneihna an hnehchhuh avanga mipuiten lungawi lohna lantir a, tualchhung buaina a zual chhoh zel avangin Myanmar ram economy chu kuminah 10% a a tlakhniam a hlauh­thawnawm hle tih a sawi. 

Sipaite chet dan duh lohna lantirin ram eng emaw zatin Myanmar hrekna an siam tawh a, US leh UK pawhin sipai thununna hnuaia company liante an hrek tel tawh a ni. 

Nimina World Bank thuchhuak chuan hnathawktuten nawrh an huaihawt vang te, banking, logistic, internet service leh public service thlenga a nghawng tawh avangin kumin chhunga an ram economy dinhmun hi 10% velin a tlakhniam a rinawm tih a tarlang.