Indonesia-a biak-inah bomb tipuah tum

Indonesia-a Makassar khuaa Catholic biakin pawnah nimin zing lam khan mi tu tih hriat loh ten thihchilh bomb an tipuak a, mi 14-in hliam an tuar.

Nimin kha tumkau ni (Palm Sunday) a ni a, zing dar 10:30 vel khan biak-ina palm sunday hmanga inkhawm zote chu mi pahnihin bomb hmang hian a lo bei tih police-te chuan an sawi. 

Biak-in main gate-ah bomb hi an tipuak a, a hnuah biak-in compound chhungah luh an tum leh niin an sawi.

Religious affairs minister Yaqut Cholil Qoumas chuan pawikhawihtute hi a dem thu a sawi a, biak-in leh a chhehvelah hian an ram police-te chu Good Friday lo thleng turah hian venhimna thawk tura dah an nih dawn thu a sawi nghal bawk.