Slovakia president thar Suzana Caputova

Slovakia President atan environmental lawyer Suzana Caputova chu Inrinni khan thlan a ni a, Slovakia hmeichhe president ni thei hmasa ber a ni dawn. Slovakia-in independence a hmuh hnua president panga-an na tur a ni. 

Inrinni-a inthlan thawh hnihna neihah hian European Union thlawptu, Caputova hian vote tla aṭanga 58.3% a hmu pha a ni. Vote nei mi maktaduai 5.4 an awm. Kum 45 mi Caputova hian rorellai party, Smer party-in a thlawp Maros Sefcovic a hneh a ni. Sefcovic hian vote 41.7% a hmu. Caputova hi liberal Progressive Slovakia party member a ni a, an party hian Parliament-ah seat an la nei ve lo. President atana thlan thar hi mahni anpui kawp ching, gay-te dikna chanvo humhalh sak duhtu leh, nau tihtlak khapna dan siam dodaltu a ni.