Singapore fake news bill-in sawisel hlawh

Singapore Parliament-a ngaihtuah tura fake news bill thehluh chuan sawisel a hlawh hle a, he bill hi pass a nih chuan freedom of speech thlengin a nghawng dawn niin human rights group hrang hrangte chuan an sawi. 

Thawhṭanni khan Parliament-ah bill hi thehluh a ni. He bill hian soical media site hrang hrangte chu sorkarin thu dik tawk lo nia a ngaihte post a awm chuan warning pe tur leh, sorkar dodal zawnga comment-te pawh paih turin a ti a ni. 

Singapore Law Minister K Shanmugan chuan he dan thar hian freedom of speech a khawih tel lo tih sawiin, thu dik tawk lo thehdarh ṭhin chungchang a ngaihtuah dawn a ni, a ti. Mimal ngaihdan hrek sak tumna lam a ni lo tiin a sawi.

Bill hi Parliament-a pass a nih chuan thu dik lo thehdarhtute chu sum tam tham tak chawitir an nih bakah jail pawh tantir theih an ni ang. Hei bakah hian an thu post-na online site chu kharsak loin, sum an lakluhna theihna kawngte dan sak an ni thung dawn a ni.